Plantun de Prouvènço

Pèr coumpara dos planto d'encò nostre

Agrostis stolonifera & Abies pinsapo

Treinasso

Agrostis stolonifera

Poaceae Graminaceae

Autre noum : Gramenet.

Noms en français : Agrostide stolonifère, Agrostide blanche.

Descripcioun :
La treinasso es uno planto coumuno renadivo que fai de fiéu (estouloun), d'aqui que vèn soun noum. La paumo (paniculo) èi d'abord duberto (5 à 15 cm de long) e pièi se sarro coume un pincèu après la flouresoun. Lis espiguet soun pichot (1,5 mm) emé uno souleto flour qu'a uno lemma sènso arèsto. La lengueto èi longo (> 2 mm). Poudès regarda peréu li nous que soun un pau roujo e li guèino di fueio qu'an un bord blanc.

Usanço :
D'après A. Matirolo (1918, Phytoalimurgia pedemontana), li tisano de racino sarien bono pèr li diabeti.

Port : grando erbo
Taio : 10 à 60(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Agrostis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido - Camin - Roubino
Estànci : Termoumediterran à Subaupen
Couroulougi : Bourealo
Ref. sc. : Agrostis stolonifera L., 1753

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.